എഡിസൺ പുഞ്ചിരിക്കുന്നു (തമിഴ്)- പെരു. വിഷ്ണുകുമാർ

എഡിസൺ പുഞ്ചിരിക്കുന്നു (തമിഴ്)-  പെരു. വിഷ്ണുകുമാർ

(പരിഭാഷ: ശിവകുമാർ അമ്പലപ്പുഴ)

നടുരാത്രിയിൽ

ഉറക്കം നഷ്ടപ്പെട്ട്

തട്ടിത്തടഞ്ഞ്

ചുവരിൽ പരതി

മുറിയിലെ ലൈറ്റിടാൻ

ശ്രമിക്കുന്നയാളുടെ മനസ്സിൽ

ഇരുട്ടിൽത്തൂങ്ങുന്ന

ഒരു പ്രകാശപേടകം മാത്രം

അന്നേരം ശരിതെറ്റുകൾ ചികയേണ്ടതില്ല

ഇത്തരത്തിലുള്ള വിഷമഘട്ടങ്ങളിലൊക്കെയും

പോനാൽ പോകട്ടുമെന്ന്

തെറ്റായ സ്വിച്ചിട്ടാലും

പ്രകാശം പരക്കും

അതാണ് ഏറ്റവും 

ദയാവായ്പുള്ള വിളക്ക്