നിഷ മൻസൂർ : തേന്മൊഴി ദാസ് (തമിഴ് കവിതകൾ)

 

1. നിഷാ മൻസൂർ

നീ തന്ന പീഡനത്തിൻെറ വേദനകളെ

നിനക്കു തന്നെ തിരിച്ചയക്കുന്നു

എനിക്കിനി ചുമക്കാൻ വയ്യെന്ന്

ദയവായി

എൻെറ വിശ്വാസത്തിൻെറ വിത്തുകളെ

എനിക്കു തന്നെ മടക്കി നൽകൂ

അവയെ എൻെറ

കണ്ണീർ കൊണ്ടു നനച്ചെങ്കിലും

വളർത്തിയെടുത്തോട്ടെ ഞാൻ

2. തേൻമൊഴി ദാസ് 

രൂപത്തെ ഉപേക്ഷിച്ച ശേഷമേ

നിന്നെ കാണുവാൻ ഞാൻ വരികയുളളൂ

നമ്മുടെ രൂപങ്ങൾ

ഒഴുകി നടക്കുന്ന ഭൂമിയെ

നീയും കാണും

വീണ്ടും നാം ഭൂമിയിലേക്ക് മടങ്ങുമ്പോൾ

കാറ്റ് ചുവപ്പുനിറത്തിലും

ജീവൻ ജലത്തിൻെറ രുചിയിലുമായിരിക്കും 

മലനിറുകയിൽ എൻെറ വീടും

മലഞ്ചെരിവിനു കീഴെ

നിൻെറ നാടും ഉണ്ടായിരിക്കും

ശിലകളെ നീ ആസ്വദിക്കുന്ന ഒരു നാൾ

നിനക്കെൻെറയോർമ്മ വരും

അപ്പോൾ നീയെന്നെ തേടിവരും

'വെളളാരങ്കല്ലുകൾ നിൻ വിരലുകൾ'

എന്നൊരു അടയാളവാക്യം

എന്നെ കണ്ടെത്താൻ

നിനക്കു  ഞാൻ തരുന്ന

പൂർവ്വജ്ഞാനത്തിന്റെ താക്കോൽമൊഴി

പൂർവ്വജ്ഞാനത്തിൻെറ താക്കോൽമൊഴി