ഒരു തുടങ്ങിയവയെല്ലാം : കതിർ ഭാരതി (തമിഴ്)

ഒരു തുടങ്ങിയവയെല്ലാം :  കതിർ ഭാരതി (തമിഴ്)

മൊഴിമാറ്റം: ശിവകുമാർ അമ്പലപ്പുഴ

കാളവണ്ടി പോകുന്നു

ഇല്ല

വണ്ടിത്താര കൊണ്ടുപോകുന്നു

ഇല്ല

കാളകൾ വലിക്കുന്നു

ഇല്ല

ചക്രങ്ങൾ ഇഴഞ്ഞുരുളുന്നു

ഇല്ല

മാർനുകം താങ്ങിപ്പോകുന്നു

ഇല്ല

റാന്തൽവെട്ടം വഴികാട്ടുന്നു

ഇല്ല

എട്ടുകാലുകളും രണ്ട് ചക്രങ്ങളും ചേർന്നുപോകുന്നു

ഇല്ല

കുടമണിയൊച്ച അലിഞ്ഞുചേരുന്നു

ഇല്ല

സത്യം മുമ്പേ പോകുന്നു

വണ്ടി പിൻതുടരുന്നു

ഇവയെല്ലാറ്റിന്റെയും മടിയിൽ

വണ്ടിക്കാരനുറങ്ങുന്നു