യാത്രക്കാരി
ലക്ഷ്മി മണിവണ്ണൻ
മൊഴിമാറ്റം -ശിവകുമാർ അമ്പലപ്പുഴ
എപ്പോഴുംകാണാറുണ്ട്
ഞാനറിയുന്ന കുറെ
തെരുവുനായ്ക്കൾ
തളരാതെ ബസ്സുകളെ പിന്തുടരുന്നത്
ചൂടൊതുങ്ങി ആവേശംചോർന്ന് ഓരിയിടുന്നത്
ഒരിക്കലെങ്കിലും
അതുപോലെ ഭ്രാന്തമായി
ബസ്സിനെ പിന്തുടരാനും
ഉളളുനിറയുംവരെ കുരയ്ക്കാനും
അടക്കാനാവാത്ത ഒരാർത്തി
പക്ഷേ മറിച്ച്
ബസ്സിൽ യാത്രക്കാരിയാവാൻ
വിധിക്കപ്പെട്ടിരിക്കുന്നു
No comments:
Post a Comment